امثال سورية من باب الحارة كانت تقال في مسلسل باب الحارة الشهير.
امثال سورية من باب الحارة
- الحماية يلي بتحب الصهر عجيبة من عجايب الدهر .
- دلل حماتك و كساب ودها أحسن ما تفتحلك طاقة ما تقدر تسدها.
- لو بدي اصرف من كيسي ما بسميك عريسي
- حطو الجمل جنب القبة و قالولو مالك حردبة
- عاشر الغني بيغنيك و عاشر الجربان بيعديك
- وقت الشغل بتقول مريضه ووقت الاكل بتقول وين معلقتي العريضه
- خبزة وجبنة بهدوء ولا عزيمة مطنطنة وشم ولا تدوء
- ربك رب العطا بيعطي البرد على قد الغطا
- الباب الي بيجيك منو ريح سدو واستريح
- لولا الحسد والظنة كانو كل الناس دخلو الجنة
- قلل ناسك بيرتاح رأسك
- لولا النسيان ما ضحك إنسان
- إذا غلي عليك الضاني ميل على الحمصاني
- سبع صنايع والبخت ضايع
- لما السعد يواتي بيخلي الأعمى ساعاتي
- البصلة عيرت التومة وقالتلا ريحتك خلتني مزكومة
- لاتستعيري من الجارة والخضري براس الحارة.
- عزيمة بدون كبة متل جامع بلا قبة
- ياحماتي لاتقولي عني شرنة ما انتي كنتي قبلي كنة.
أمثال شعبية شهيرة من البيئة الشامية الأصيلة
- إذا وجعك رأسك أكرمه، وإذا وجعك بطنك احرمه: وفي هذا المثل نتاج من الطب الشعبي في الشام، فوجع الرأس الصداع لا يجوز أن يستهان به، ولابد له من الراحة ومن العلاج إن لزم، ووجع البطن غالباً ما يكون من سوء طعام أو تخمة و ما شابه، فأول علاجه الحمية وفي الحميّة حرمان.
- تؤبريني وأنتي ساكتي وأوبرك وأنتي عم تحكي : تقال للفتاة الجميلة ولكن كلامها غير موزون.
- مركب الضراير سار ومركب السلايف غار : دلالة على استحالة اتفاق السلايف ..أي زوجات الاخوة.
- إذا صاحبك عسل لا تلحسه كلّه: ويقال للتنبيه في الإكثار على صاحب أو صديق أو رجل مهم يلبّي لك ما تطلب وفي الرفق في كل أمر فيه مطمع أو وراءه مغنم، وفي أمثالهم: «لا تكّثر على أمك وأبوك بيكرهوك.
- تقبر قلبي : أي اموت قبلك وتددفني.
- تاجرنا بالأكفان بطلت الناس تموت تقال عن الحظ السيء.
- تشكل آسي: أي أموت وتضع نبات الآسي على قبري.
- عصاية طئي: تقال عن الشخص النحيف
- متزاول منك كومايات : تقال عندما تكون منزعج من شخص كثيرا.
أمثال سورية عامة
– اجا ليكحلها عماها.
– احمل هم شي تشتري ولا تحمل هم شي تبيع.
– إذا احتجت الكلب قوللو يا حاج كلب
– إذا الصغير انتشا الكبير باس ايدو
– إذا بدك تسرق سروق حرير وإذا بدك تحب حب أمير.
– إذا شفت الاعمى طبو مالك اكرم من ربو.
– إذا حضر الماء بطل التيمم
– إذا راح الجمل لا تتحسَّر عالرسن.
– إذا الصغير انتشى الكبير باس إيدو.
– إذا ضاقت عليك المخازن مخزنك عبك.
– إذا غاب القط لعب الفار.
– إذا طعميت شبع وإذا ضربت وجع.
– إذا بيصير من الحرملم ساس بيصير من هالجماعة شماس.
– إذا غاب عنك العنب والتين عليك بمية كوانين
– إذا في خير، ما كان تركه الطير.
– إذا غلي اللحم الصبر رخيص.
_إذا شمينا ريحة إيدينا بترجع روحنا إلينا.
– إذا احتجت للكلب قللو حج كلب.
– آخ على اكل مخاخ.
– إذا قعدت بين العور عوير عينك
– إذا كان بدك تستريح شو ما شفت قول منيح
– إذا ما بتستحي عميل ما حلالك
– إذا ما بتكون ديب بتاكلك الدياب
– إذا ما كبرت ما بتصغر.
– إذا كان جارك بخير بيجيك من خيرو خير
– إذا كانت رزقتك على خيط رفعو.
– إذا مات أبوه على المراتب حطوه … وإذا ماتت أمه على المزابل ودوه.
– إذا بدك يكبر همك خود واحدة قد أمك.
– أبو العباية مابنريده وابو الجوخة مابيجينا
– إبنك لا تعّلمو الدهر بيعلموا.
– أربعة بحرف الشين: شوفير وشرطي وشيخ وشرموطة.
– أحلى مني الله خلقه…أشطر مني دم فلقه.
– ابن فرفور وذنبو مغفور .
– إجرة السّلم حملانو
– اتفق القط والفار على خراب الدار.
– أبوها راضي وأنا راضي وأنت مالك يا قاضي.
– اشتري وبيع ولا تخلي اسمك يضيع
– أكل الهدية وكسر الزبدية
– اشتغل بالخرا ولا تحتاج الخرا.
– أكل البيضة والتقشيرة.
– اشتغل بالمقصقص ليجي الطيار.
– أكلت يوم أكل الثور الأبيض
– الآخرة يا فاخرة
– الإيد الفاضية منتنة
_الإيد اللي ما بتحط ما بتشيل
– الإيد هللي ما بتقدر عليها بوسها وادعي عليها بالكسر
– الباب اللي بيجيك منو الريح سدو واستريح
امثال شعبية سورية مضحكة
_أبو البنات شايل ع كتافو حسنات
_ابني هوي ابني لحتى يتجوز وبنتي هيي بنتي طول العمر.
_يلي حظها قوي بتجيب البنت قبل الصبي
_عشر اصهرة ع باب داري ولا كنة تكشف اسراري.
-الحياة بدون أخت متل الشارع بلا زفت
_القرش مابيخبي الشرش والخروق مابتخبي العروق.
_قصي من لسانك وزيدي ع التنورة منو بتدفي سيقانك ومنو بتضلي مستورة.
_دللي كنتك واكسبي ودها لان اذا نوت عالشر مافي شي بيردها.
-يلي بدها يسعدها زمانها تجيب بناتها قبل صبيانها
